Merkilegasta pólitíska uppljóstrun síðari tíma

“Því færri óumdeildum málum sem ríkisstjórnin komi áfram, þeim mun þrengra verði um „sérstök áhugamál“ ríkisstjórnarinnar” sagði Sigmundur Davíð Gunnlaugsson. Þessi orð eru merkilegasta pólitíska uppljóstrun síðari tíma. Það er gríðarlega mikilvægt að fólk átti sig á því af hverju svo er. Frá því að ég las þessi orð úr tölvupósti þar sem óvart var gert “svar til allra” hef ég beðið eftir fjölmiðlaumfjöllun um þessi orð. Engin frétt hefur hins vegar fjallað nákvæmlega hvað þessi ummæli þýða, sem mér finnst stórkostlega merkilegt líka. Mig langar til þess að reyna að útskýra af hverju þetta eru merkilegasta pólitíska uppljóstrun síðari tíma en í stuttu máli er það af því að þetta opinberar hversu óheiðarleg pólitíkin á Íslandi er. Hvert markmið margra stjórnmálamanna er í raun og veru.

Starfið á Alþingi er undarlegt þessa dagana út af samkomubanni og tveggja metra fjarlægðarreglu. Það hefur þau áhrif að skammta verður hversu margir þingmenn komast að í umræðum um þingmál sem augljóslega hefur gríðarlega mikil áhrif á lýðræðislegt aðhald þingsins gagnvart framkvæmdavaldinu. Það reyndi all svakalega á það í liðinni viku þegar forseti þingsins reyndi að setja umdeilt mál á dagskrá þingsins, þrátt fyrir andmæli minnihluta. Það er alvarlegt mál í ljósi þeirra aðstæðna sem stýra störfum þingsins þessa dagana því þegar allt kemur til alls snúast réttindi alla jafna um að verja stöðu minnihlutahópa eða að verja þá sem eru beittir valdi af þeim sem valdið hafa. Lýðræði snýst að miklu leyti ekki um meirihlutaræði, heldur tillitsemi við minnihluta vegna þess að í lýðræðislegum kosningum þar sem meirihlutinn ræður vissulega þá er alltaf til staðar minnihluti sem hver sem er getur orðið hluti af. Forseti þingsins fer til dæmis með völd vegna þess að hann hefur stuðning meiri hluta þingsins. Það þýðir ekki að allar ákvarðanir sem hann gerir séu réttar eða góðar þó þær séu strangt til tekið lýðræðislegar í skilningi atkvæða.

Minni hlutinn ber líka ábyrgð. Að sjálfsögðu. Aðhaldshlutverkið er vandasamt og í því fyrirkomulagi sem við búum við hérna á Íslandi eru möguleikar minnihlutans til aðhalds mjög takmarkað. Minni hlutinn getur kallað eftir upplýsingum en það er mjög takmarkað aðhaldstæki þar sem svörin eru oft stórmerkilegir útúrsnúningar eða eitthvað þaðan af verra. Ég hef til dæmis spurt um dagpeninga ráðherra og svarið var í raun að ráðherrar fá aukin hlunnindi sem þeir greiða ekki skatt af. Ég er búinn að þurfa að reka á eftir því að eitthvað sé gert í þeim málum í meira en ár. Það tók einnig rúmlega ár og margar umferðir af spurningum að fá upplýsingar um akstursgreiðslur þingmanna af því að sífellt var reynt að snúa út úr í svörum, með því að svara einhverju öðru en spurt var um. Eitt öflugasta aðhaldstæki minni hlutans er ræðustóll Alþingis vegna þess að hann er takmörkuð auðlind. Kjörtímabilið er endanlegt í tíma á meðan hægt er að tala óendanlega lengi í ræðustól Alþingis, eins og orkupakkamálið sýndi.

“Því færri óumdeildum málum sem ríkisstjórnin komi áfram, þeim mun þrengra verði um „sérstök áhugamál“ ríkisstjórnarinnar”, eða eitthvað álíka, eru orð sem ég hef heyrt oftar en einu sinni í vinnu minni á Alþingi. Þetta er hins vegar í fyrsta sinn sem svona orð eru skjalfest. Í stuttu máli þá þýðir þetta að ef hægt er að koma í veg fyrir að þingið afgreiði “óumdeild mál” þá verður meira að gera fyrir Alþingi eftir því sem líður á kjörtímabilið. Það þýðir að minni tími er fyrir pólitísku ríkisstjórnarmálin sem kemur þá í veg fyrir að ríkisstjórnin geti komið sinni pólitík í verk. Það getur svo sem verið ágætt, sitt sýnist hverjum um það. En hver er kostnaðurinn? Jú, óumdeildu málin, sem allir eru þá sammála um að séu betrumbót fyrir samfélagið, klárast síður. Þau klárast seinna og jafnvel ekki.

Hérna þarf að stoppa og hugsa aðeins. Góð mál, sem gera samfélagið betra, komast síður í gegnum þingið. Það er skaðlegt fyrir alla. Fólk er tilbúið til þess að fórna góðum málum til þess að koma í veg fyrir pólitísk ríkisstjórnarmál. Það er í alvörunni eitthvað virkilega bilað ef kerfið okkar virkar á þann hátt og segir einnig sitt um þá sem fórna góðum málum fyrir málstaðinn. Í þetta skipti var það formaður Miðflokksins sem upplýsti um þessa “herkænsku”, um hverju er ásættanlegt að fórna. Ég fullyrði hins vegar að þetta er ekkert einsdæmi. Fleiri flokkar hafa beitt þessum brögðum í gegnum árin því fyrir þeim helgar tilgangurinn meðalið. Það er hins vegar ekki hægt að benda á neitt nema óbein sönnunargögn því til stuðnings.

Nú er það semsagt skjalfest. Það eru til stjórnmálamenn sem eru tilbúnir til þess að fórna málum sem allir eru sammála um að séu til bóta fyrir samfélagið. Að fórna þeim í pólitískum klækjabrögðum og skaða með því þá sem góðu málin þjóna, öllum landsmönnum. Breytingar til batnaðar koma seint eða aldrei fyrir vikið.

Mig langar til þess að óska kjósendum til hamingju með að fá skjalfesta staðfestingu á slíkum óheiðarleika. Það gerist allt of sjaldan.

Stytt og edituð útgáfa:

Merkilegasta pólitíska uppljóstrun síðari tíma

“Því færri óumdeildum málum sem ríkisstjórnin komi áfram, þeim mun þrengra verði um „sérstök áhugamál“ ríkisstjórnarinnar” sagði Sigmundur Davíð Gunnlaugsson. Þessi orð eru ein merkilegasta pólitíska uppljóstrun síðari tíma. Það er mikilvægt að fólk átti sig á því af hverju svo er. Frá því að ég las þessi orð úr tölvupósti þar sem óvart var gert “svar til allra” hef ég beðið eftir fjölmiðlaumfjöllun um þessi orð. Engin frétt hefur hins vegar fjallað um hvað þessi ummæli þýða. Sem er merkilegt því þau opinbera hversu óheiðarleg pólitíkin á Íslandi er. Hvert markmið margra stjórnmálamanna er í raun og veru.

Starfið á Alþingi er undarlegt þessa dagana út af samkomubanni og tveggja metra fjarlægðarreglu. Það hefur þau áhrif að skammta verður hversu margir þingmenn komast að í umræðum um þingmál sem augljóslega hefur gríðarlega mikil áhrif á lýðræðislegt aðhald þingsins gagnvart framkvæmdavaldinu. Það reyndi all svakalega á það í liðinni viku þegar forseti þingsins reyndi að setja umdeilt mál á dagskrá þingsins, þrátt fyrir andmæli minnihluta. Það er alvarlegt mál í ljósi þeirra aðstæðna sem stýra störfum þingsins þessa dagana því þegar allt kemur til alls snúast réttindi alla jafna um að verja stöðu minnihlutahópa eða að verja þá sem eru beittir valdi af þeim sem valdið hafa. Lýðræði snýst að miklu leyti ekki um meirihlutaræði, heldur tillitsemi við minnihluta vegna þess að í lýðræðislegum kosningum þar sem meirihlutinn ræður vissulega þá er alltaf til staðar minnihluti sem hver sem er getur orðið hluti af. Forseti þingsins fer til dæmis með völd vegna þess að hann hefur stuðning meiri hluta þingsins. Það þýðir ekki að allar ákvarðanir sem hann gerir séu réttar eða góðar þó þær séu strangt til tekið lýðræðislegar í skilningi atkvæða.

Minni hlutinn ber líka ábyrgð. Að sjálfsögðu. Aðhaldshlutverkið er vandasamt og í því fyrirkomulagi sem við búum við hérna á Íslandi eru möguleikar minnihlutans til aðhalds mjög takmarkaðir. Minni hlutinn getur kallað eftir upplýsingum sem er dæmi um afar takmarkað aðhaldstæki þar sem svörin eru oft stórmerkilegir útúrsnúningar eða eitthvað þaðan af verra. Eitt öflugasta aðhaldstæki minni hlutans er hins vegar ræðustóll Alþingis vegna þess að hann er takmörkuð auðlind. Kjörtímabilið er endanlegt í tíma á meðan hægt er að tala óendanlega lengi í ræðustól Alþingis, eins og orkupakkamálið sýndi.

“Því færri óumdeildum málum sem ríkisstjórnin komi áfram, þeim mun þrengra verði um „sérstök áhugamál“ ríkisstjórnarinnar”, eru orð sem ég hef heyrt oftar en einu sinni í vinnu minni á Alþingi. Þetta er hins vegar í fyrsta sinn sem svona orð eru skjalfest. Í stuttu máli þá þýðir þetta að ef hægt er að koma í veg fyrir að þingið afgreiði “óumdeild mál” þá verður meira að gera fyrir Alþingi eftir því sem líður á kjörtímabilið. En hver er kostnaðurinn? Jú, óumdeildu málin, sem allir eru þá sammála um að séu betrumbót fyrir samfélagið, klárast síður. Þau klárast seinna og jafnvel ekki.

Hérna þarf að stoppa og hugsa aðeins. Góð mál, sem gera samfélagið betra, komast síður í gegnum þingið. Það er skaðlegt fyrir alla. Fólk er tilbúið til þess að fórna góðum málum til þess að koma í veg fyrir pólitísk ríkisstjórnarmál. Það er í alvörunni eitthvað virkilega bilað ef kerfið okkar virkar á þann hátt og segir einnig sitt um þá sem fórna góðum málum fyrir málstaðinn. Í þetta skipti var það formaður Miðflokksins sem upplýsti um þessa “herkænsku”, um hverju er ásættanlegt að fórna. Ég fullyrði hins vegar að þetta er ekkert einsdæmi. Fleiri flokkar hafa beitt þessum brögðum í gegnum árin því fyrir þeim helgar tilgangurinn meðalið. En nú er það skjalfest að það eru til stjórnmálamenn sem eru tilbúnir til þess að fórna málum sem allir eru sammála um að séu til bóta fyrir samfélagið. Að fórna því sem er best fyrir alla þjóðina fyrir eigin hagsmuni í pólitík. Breytingar til batnaðar koma seint eða aldrei fyrir vikið.

Mig langar til þess að óska kjósendum til hamingju með að fá skjalfesta staðfestingu á slíkum óheiðarleika. Það gerist allt of sjaldan.

2021

Takmarkanir á landamærum?

Í dag kynnti ríkisstjórnin nýjar takmarkanir á landamærunum. Þar á að leggja bann við ferðalögum eða skyldudvöl í sóttvarnahúsi frá hááhættusvæðum (1.000 smi...

Ásættanlegur árangur?

Viðbrögð ríkisstjórnarinnar við faraldrinum hófust fyrir rúmu ári. Skilaboðin voru einföld: Brugðist verður við eftir þörfum. Ríkisfjármálunum verður beitt a...

Uppstillt lýðræði

Pólitík snýst að mestu leyti um völd. Ekki málamiðlanir. Sá sem hefur völd getur tekið ákvarðanir án þess að þurfa að miðla málum. Því meiri völd, þeim mun f...

Siðareglur eða reglur til að siða?

Sitt sýnist hverjum um hvort þörf sé á siðareglum. Skoðanir á slíkum reglum ná allt frá því að þær séu taldar vera algjört bull yfir í óþarfa vesen, ágætis v...

Stefnuleysi stjórnvalda

“Alþingi hefur því nýlokið afgreiðslu á ítarlegri umfjöllun um stefnumörkun opinberra fjármála” stendur í fjármálaáætlun stjórnvalda – Nei, bara alls ekki. E...

Réttlætanlegt veðmál?

Segjum það bara eins og það er, ákvörðun stjórnvalda um að auðvelda ferðamönnum að koma til landsins þann 1. maí er veðmál. Þar er veðjað upp á afkomu ríkiss...

Hvað gera þingmenn?

Ég rek augun og eyrun oft í alls konar hugmyndir um hvað fólk telur að þingstarfið sé. Ég hafði sjálfur ýmsar hugmyndir um í hverju það starf fælist áður en ...

Verkefni næstu ára

Augljósa verkefni næstu ára er að glíma við afleiðingarnar af Kófinu. Nokkur hundruð milljörðum hefur verið bætt í hagkerfið til þess að koma til móts við ef...

Litið yfir farinn veg

Frá því að ég tók sæti á þingi hef ég lagt fram fjölda mála, nokkur oftar en einu sinni af því að málið var ekki klárað eða fyrirspurn ekki svarað. Í heildin...

Við búum í búri

Þegar ég var ungur sá ég apa í búri. Mér fundust aparnir mjög merkilegir og fylgdist dáleiddur með því hvernig aparnir sveifluðu sér fram og til baka og léku...

Kerfislægur vandi fjölmiðla?

Í leiðara Kjarnans frá 19. febrúar síðastliðnum, “Viljið þið að upplýsingafulltrúar og spunameistarar segi ykkur fréttir?” fer Þórður Snær Júlíusson yfir stö...

Orðræða um innflytjendur

Í gær var umræða um málefni innflytjenda. Einfalt mál um starfsemi fjölmenningarseturs. Án þess að fara nánar í þá umræðu sem þar fór fram þá er eitt sem þar...

Að þekkja muninn

Um helgina slapp Trump naumlega við að vera dæmdur sekur um að hvetja til uppreisnar. 57 töldu hann sekann en 43 ekki. Einungis hefði þurft að snúa tíu atkvæ...

Auðlindir í þjóðareign.

Í frumvarpi stjórnlagaráðs er bætt við auðlindaákvæði í stjórnarskrá. Í því frumvarpi er kveðið á um “fullt gjald til hóflegs tíma í senn” fyrir leyfi til ha...

Uppstillt lýðræði.

Pólitík snýst að mestu leyti um völd. Ekki málamiðlanir. Sá sem hefur völd getur tekið ákvarðanir án þess að þurfa að miðla málum. Því meiri völd, þeim mun f...

Hvað er þetta með þessi þingmannalaun?

Laun þingmanna og ráðherra hafa lengi verið vesen. Laun þeirra virðast hækka oft úr öllum takti við almenna launarþróun. Þar að auki voru þingmenn og ráðherr...

Framboðstilkynning

Ég, Björn Leví Gunnarsson, býð fram krafta mína og reynslu í prófkjöri Pírata fyrir komandi alþingiskosningar 2021 í Reykjavík.

Efst upp ↑

2020

Skiljanlegt ofbeldi?

Hvernig myndir þú bregðast við ef lögreglan myrti reglulega vini þína, kunningja, félaga eða fólk sem þú samsamar þig við? Myndir þú bregðast við með mótmælu...

Topp maður - flopp stjórnmálamaður

“Topp maður”, var athugasemd á samfélagsmiðlum undir frétt af sóttvarnabroti fjármálaráðherra. Þetta er mjög merkileg fullyrðing í samhengi þeirra atburða se...

Pólitík Pírata

Í umræðum um fjármálaáætlun í gær setti Brynjar Níelsson sig í spor kjósanda Pírata og sagðist ekki skilja pólitík okkar. Hver pólitísk stefna Pírata væri e...

Heilbrigð höfnun

Í pólitík er til tvenns konar samstarf. Annars vegar valdasamstarf og hins vegar málefnasamstarf. Enginn hefur nokkurn tíma útilokað samstarf um einstaka mál...

Tveggja stóla tal

Þú sérð auglýsingu um draumastarfið þitt í blaðinu. Starfið sem þú ert búin að búa þig undir í mörg ár. Staða dómara við Landsrétt! Þú sækir um og ert alveg ...

Loksins niðurstaða í Landsréttarmálinu

Kjörtímabilið 2016 - 2017 var viðburðarríkt. Landsréttarmálið, uppreist æra barnaníðinga, ríkisstjórnarslit og kosningar með minnsta mögulega fyrirvara eftir...

Er verið að fela aðhaldskröfu?

Nýlega var vakin athygli á fjárhagslegri stöðu mála hjá Landspítalanum. Spítalinn sæi fram á rúmlega fjögurra milljarða króna aðhaldskröfu á næsta ári. Þingm...

Sjálfbærni er framtíðin

Haldin var sérstök umræða á þinginu í gær. Við Sara Elísa Þórðardóttir pældum aðeins í því máli og Sara flutti ræðunar í umræðunni.

Umhverfi okkar allra

26% af öllu snjólausu landi í heiminum er notað sem beitiland. 33% af öllu ræktarlandi er notað til þess að fóðra dýr. Staðan eins og hún er í dag er ekki sj...

Von og vald

Ég bjó á Vonarstræti þegar ég var í Bandaríkjunum (BNA). Ég var þar þegar Obama var kosinn og sá hvaða von fólk bar til þess sem hann hafði fram að bjóða. Ég...

Eru sóttvarnaraðgerðir rökstuddar?

Þetta er ástæðan fyrir því að við kölluðum eftir því að ákvarðanir stjórnvalda væru skoðaðar nánar. Spurningin verður alltaf að vera hvort aðgerðirnar sem gr...

Öfgar og falsfréttir

Heimurinn á við mörg vandamál að stríða. Eitt þeirra eru öfgar, og að því er virðist meiri öfgar en áður. Það er hins vegar ekki rétt, maðurinn hefur oft lát...

Einstakt dæmi

Fyrir einungis rétt rúmum mánuði stóð til að vísa burt fjölskyldu sem kom hingað frá Egyptalandi. Fjölskyldan fékk að lokum dvalarleyfi af mannúðarástæðum sa...

Kakan er lygi

Öryrkjabandalag Íslands gaf út myndband þann 11. október síðastliðinn þar sem kaka fjármálaráðherra var útskýrð frá sjónarhorni öryrkja. Skilaboðin voru einf...

Hefðir, stöðunun og íhald

Alþingi er gömul stofnun. Elsta starfandi þing heims. Það er virðingarstaða sem við eigum að vera stolt af og fara vel með. Í því felst þó ákveðin áhættuþátt...

Við erum Píratar

Borgararéttindi, lýðræði, gagnsæi, ábyrgð, gagnrýnin hugsun, upplýsingafrelsi, tjáningafrelsi.

Málefnalegar umræður

Ég spurði sveitarstjórnarráðherra í óundirbúnum fyrirspurnum um stefnu stjórnvalda í sveitarstjórnarmálum. Ráðherra svaraði með því að kalla eftir málefnaleg...

Getum við gert betur?

Getum við gert betur? Við öll? Ég myndi halda að augljósa svarið sé já. Ekkert er svo fullkomið að það endist að eilífu. Við getum alltaf gert betur, eða að ...

Heilbrigðiskerfið á krossgötum

Heilbrigðisráðherra skrifaði nýlega grein í Morgunblaðið sem hún birtir einnig á FB síðu sinni. Þar er farið yfir þróun fjárheimilda til heilbrigðiskerfisins...

Betri samskipti við almenning?

Í umræðum um fjármálaáætlun ríkisstjórnarinnar þar sem stjórnvöld setja sér stefnu fyrir næstu fimm ár spurði ég forsætisráðherra eftirfarandi spurningar:

Handahófskenndar aðgerðir

Ríkisstjórnin lagði fram áætlun sína út úr Kófinu í gær. Áætlun sem ríkisstjórnin ætlaði að leggja fram í vor en frestaði. Það verður að segjast eins og er a...

Danski þjónninn

Allir ættu að muna eftir Harry og Heimi en færri muna kannski eftir morðgátunni þeirra um danska þjóninn. Morð var framið á veitingastað. Einn gestanna fanns...

Samkomutakmarkanir - Hver er kostnaðurinn?

Þann 27. janúar síðastliðinn var lýst yfir óvissustigi vegna kórónaveirunnar á Íslandi. 30. janúar var lýst yfir neyðarástandi á heimsvísu vegna faraldursins...

Réttlát reiði

Síðastliðinn miðvikudag skrifaði Óli Björn Kárason pistil í Morgunblaðið um ógn hinna “réttlátu” sem fjallaði um nýja tegund stjórnmála þar sem ógn er notuð ...

Ertu Icelandairingur?

Hvað er að vera Íslendingur? Þarftu að geta rakið ættir þínar til landnema? Þarftu að kunna íslensku? Þarftu að búa á Íslandi eða vera ríkisborgari? Tárast y...

Er ríkisábyrgð æðisleg?

“Verkefnið okkar er fyrir mér það að finna einföldustu og skilvirkustu leiðina”, sagði Kolbeinn Óttarsson Proppé í umræðum um ríkisábyrgð fyrir Icelandair. Þ...

Þeir sem eiga, mega

Hugmyndafræði íhaldsins er dauðadómur fyrir framtíðina. Það er markmið íhaldsins að gera sem minnst, breyta eins litlu og hægt er og lifa helst í fortíðinni....

Umboð þjóðar ef það hentar mér.

Á Íslandi höldum við kosningar á fjögurra ára fresti. Þá keppast stjórnmálasamtök um atkvæði kjósenda með því að leggja línurnar fyrir næstu fjögur árin. Þan...

Ráðherrar eiga enga vini

Vinkvennahittingur er einna helst í fréttum þessa dagana. Það væri alla jafna ekki í frásögur færandi nema vegna þess að ein vinkvennanna er ráðherra. Það ei...

Dagleg spilling

Úr grein Stundarinnar: Aðspurð hvort það sé ekki hjálplegt fyrir kynningarefnið að nafntoguð manneskja eins og ráðherra sé með á myndunum segir Eva að svo ge...

Engar mútur

Engar mútur segir Þorsteinn Már. Óheppinn með starfsfólk. Þetta voru bara einhverjar greiðslur til ráðgjafa. Líklega líka greiðslurnar sem voru greiddar bein...

Klassísk strámannspólitík

Árið 2012 birtist Kastljósþáttur sem fjallaði um meinta undirverðlagningu Samherja. Umfjöllunin, húsleit og rannsókn byggði td. á gögnum sem komu frá Verðlag...

Heimilisbókhald ríkisstjórnarinnar í Covid

Í speglinum þann 10. ágúst var spurt hvort verið væri að fórna meiri hagsmunum fyrir minni. Formaður Efnahags- og viðskiptanefndar svarar þeirri spurningu á ...

Fleiri afsakanir

Í grein hjá Vísi er vitnað í dómsmálaráðherra: “Ýmislegt hafi hins vegar vantað upp á í frumvarpi Pírata og fleiri þingmanna, til að mynda hvernig skuli gera...

Ósjálfbær stöðugleiki

Í leiðara Kjarnans þann 6. ágúst fjallar Þórður Snær Júlíusson um að nú sé komið að pólitíkinni. Þar vísar hann í orð Þórólfs Guðnasonar sóttvarnarlæknis um ...

Fyrst náðu þau hinum, svo mér

Í síðasta pistli skrifaði ég um ósvífni pólitísks rétttrúnaðar, hvernig öfgar hafa þróast í sitt hvora áttina frá upprunalegu markmiði. Annars vegar í þá átt...

Listin að ljúga

Ein uppáhalds greinin mín í stjórnarskránni er 48. greinin. Þar segir að “alþingismenn eru eingöngu bundnir við sannfæringu sína og eigi við neinar reglur fr...

Ósvífni pólitísks rétttrúnaðar

Við glímum við ósvífni sem hefur aukist með hverju árinu sem líður. Upprunann má rekja til pólítísks rétttrúnaðar (e. political correctness / PCismi) sem Joh...

Má segja fólki að fokka sér

Við eigum að vera kurteis við hvort annað. Ákveðin háttsemi og gestrisni er til dæmis umfjöllunarefni margra kvæða í Hávamálum. Þar er talað um að góður orðs...

Refsing vegna fíknar

Johann Hari lýsir rót fíknar þannig að hún spretti ekki frá því að fólk sprauti í sig efnum eða innbyrði. Hún spretti miklu fremur úr sársaukanum sem fólk up...

Átak í lýðræði

Í gær frumsýndu samtök kvenna um nýju stjórnarskránna fræðslumyndband um nýju stjórnarskránna, ferlið á bakvið hana, hvar hún stoppaði og til að minna þingme...

Leikjafræði þingloka

Hvað gerist rétt áður en þing fer í frí? Af hverju er oft málþóf á þeim tíma? Í grunnatriðum er það vegna þess að flokkar sem mynda meirihluta vilja ekki að ...

Án tillits til skoðana

“Allir skulu vera jafnir fyrir lögum og njóta mannréttinda án tillits til kynferðis, trúarbragða, skoðana, þjóðernisuppruna, kynþáttar, litarháttar, efnahags...

Vitlaust Alþingi

Á Alþingi er allt vitlaust, á fleiri vegu en einn, og Ísland er verra vegna þess. Nóg hefur samt verið talað um vitleysuna sem fólk lætur út úr sér þar og mi...

Nei, nei og aftur nei

Liðin vika í þinginu var stórmerkileg. Þar voru samþykkt lög um uppsagnir þar sem ríkið hjálpar fyrirtækjum að segja upp fólki og halda því í vinnu á launum ...

Nú er tíminn

Undanfarna mánuði hafa komið hinir ýmsu björgunarpakkar frá stjórnvöldum og er von á einum enn á næstu dögum. Markmið pakkanna hefur aðallega verið að vernda...

Pakki númer 2, hvað gerðist?

Það er langt frá því að vera einfalt að fylgjast með því hvað er í gangi varðandi björgunarpakka stjórnvalda. Í fyrsta lagi koma stjórnvöld með ákveðnar till...

Lífeyrir og þingfararkaup

Það fór ekki fram hjá neinum að laun þingmanna og ráðherra voru hækkuð þann 1. maí um 6,3% frá áramótum. Til þess að gæta allrar sanngirni þá hækkuðu launin ...

Einn litlir, tveir litlir, þrír litlir pakkar

Óvissan er mikil og hefur farið vaxandi eftir því sem á líður. Það má auðveldlega rökstyðja að hlutverk stjórnvalda sé að minnka eða helst eyða óvissu, þó ek...

Sporvagnavandamálið og faraldurinn

Margir kannast við sporvagnavandamálið þar sem þú ert vagnstjóri sem hefur þá tvo möguleika að beygja á sporin til hægri þar sem hópur fólks stendur á teinun...

Sjálfstæðir dómarar

Eruð þið nokkuð búin að gleyma Landsrétti? Þið vitið, nýja millidómstiginu okkar sem var mörg ár í undirbúningi og fyrrverandi dómsmálaráðherra klúðraði á l...

Dagurinn í dag

Í dag er fjarfundadagur á Alþingi. Líka á morgun. Umfjöllunarefnið er fjáraukalagafrumvarp ríkisstjórnarinnar þar sem gert er ráð fyrir að tekið sé 140 millj...

Stjórnarandstöðufræði

Fræðin um stjórnarandstöðu segja: “Ég gerði öll mál tortryggileg og fylgdi þeirri reglu veiðimannsins að maður má ekki einungis kasta flugu sem manni finnst ...

Þú verður að vera í skóm í vinnunni

Einu sinni var skýrslu um skattaundanskot Íslendinga í gegnum skattaskjól stungið undir stól. Það var meira að segja rétt fyrir kosningar vegna skattaundansk...

Að hefjast handa

“Nú er kominn tími til þess að hefjast handa” voru skilaboðin sem ríkisstjórnarflokkur fékk á fundarferð sinni í kringum landið. Núna, þegar rétt rúmt ár er ...

Efst upp ↑

2016

Hættum að vera meðvirk með misnotkun á valdi

Formaður dómarafélags Íslands fjallaði í fjölmiðlum í gær um niðurstöðu mannréttindadómstóls Evrópu. Þar sagði hann að vandinn er þegar, með leyfi forseta “s...

Efst upp ↑